CDD-ის აღმასრულებელი დირექტორი ქეთევან ჩაჩავა (OSCE/ODIHR) ფარგლებში სერბეთში არჩევნებს დააკვირდა
განვითარებისა და დემოკრატიის ცენტრის (CDD) აღმასრულებელი დირექტორი ქეთევან ჩაჩავა, ეუთო-ს საარჩევნო სადამკვირვებლო მისიის (OSCE/ODIHR) ფარგლებში, 2022 წლის 3 აპრილს სერბეთში დაგეგმილ საპრეზიდენტო და ვადამდელ საპარლამენტო არჩევნების მიმდინარეობას აკვირდება.
ქეთევან ჩაჩავა, ეუთოს მოკლევადიანი დამკვირვებლის (STO) სტატუსით, საარჩევნო უბნების გახსნის, ხმის მიცემის, ხმების დათვლისა და შედეგების შეჯამების პროცესს დაესწრება.
სერბეთში, ეუთოს დემოკრატიული ინსტიტუტებისა და ადამიანის უფლებების ოფისის საერთაშორისო საარჩევნო სადამკვირვებლო მისია 27 გრძელვადიანი და 250 მოკლევადიანი დამკვირვებლით არის წარმოდგენილი.
