ამერიკის შეერთებული შტატების 237 – ე დამოუკიდებლობის დღის აღსანიშნავად აშშ–ს საელჩოში გაიმართა მიღება, რომელსაც ესწრებოდნენ დიპლომატიური კორპუსის, ხელისუფლების, პოლიტიკური პარტიების, საერთაშორისო ორგანიზაციებისა და სამოქალაქო სექტორის წარმომადგენლები. ღონისძებას დაესწრო განვითარებისა და დემოკრატიის ცენტრის თავმჯდომარე ქეთევან ჩაჩავა.
საპრეზიდენტო არჩევნები 27 ოქტომბერს, კვირა დღეს გაიმართება - ამის შესახებ განცხადება პრეზიდენტის ადმინისტრაციის უფროსმა ანდრო ბარნოვმა არასამთავრობო ორგანიზაციების წარმომადგენლებთან შეხვედრის შემდეგ გააკეთა.
"მიგვაჩნია, რომ საქართველოს პრეზიდენტმა მისი უფლებამოსილება არჩევნების თარიღის დანიშვნის თაობაზე იმგვარად უნდა გამოიყენოს, რომ მაქსიმალურად შეუწყოს ხელი ამომრჩევლების აქტიურობას, როგორც ქვეყნის შიგნით, ისე მის გარეთ და უზრუნველყოს საქართველოს თითოეული მოქალაქის საარჩევნო უფლების რეალიზების შესაძლებლობა."
2013 წლის 23 ივნისს, განვითარებისა და დემოკრატიის ცენტრის (CDD) წარმომადგენლებმა – შორენა ჯაფარიძემ და მარიამ ალუღიშვილმა OSCE/ODIHR–ის სადამკვირვებლო მისიის მოკლევადიანი დამკვირვებლის სტატუსით, მონაწილეობა მიიღეს ალბანეთის რესპუბლიკაში გამართულ საპარლამენტო არჩევნების მონიტორინგის პროცესში.
21 ივნისს, სასტუმრო ”ჰოლიდეი ინ”-ში კომპანია ”Scytl” გაიმართა შეხვედრა ინტერფრაქციული ჯგუფის წევრებთან და წარმოდგენილი იქნა პრეზენტაცია თემაზე: ”Scytl-ის საარჩევნო მოდერნიზაციის გადაწყვეტილებები საარჩევნო ბიულეტენების სკანირების, ხმის დათვლისა და გადაცემის ტექნოლოგიებთან მიმართებაში.”
ათასობით მოხალისე, სამინისტროების, მუნიციპალიტეტების, უნივერსიტეტებისა და სკოლების, ბიზნეს კომპანიებისა და არასამთავრობო ორგანიზაციების წარმომაგენლებმა მიიღეს მონაწილეობა 16 ივნისს ჩატარებულ დასუფთავების ეროვნული აქციაში. მასშტაბურმა გარემოს დაცვითმა კამპანიამ მოიცავა თბილისი და საქართველოს თითქმის ყველა რეგიონი. განვითარებისა და დემოკრატიის ცენტრი (CDD) შეუერთდა დასუფთავების აქციას. ორგანიზაციის რეგიონალურმა წარმომადგენლებმა აქტიური მონაწილეობა მიიღეს დასუფთავების აქციებში.
განვითარებისა და დემოკრატიის ცენტრი ახორციელებს პროექტს „არჩევანი შენზეა–2013!“. პროექტის ფარგლებში ხორციელდება ცხოვრების ჯანსაღი წესის და მანვე ჩვევების აქტუალური საკითხების შესახებ რეგულარული გამოკითხვები. ეწვიეთ პროექტის ვებ–გვერდს: www.geoyouth.ge და დააფიქსიროთ თქვენი პოზიცია.
განვითარებისა და დემოკრატიის ცენტრის (CDD) წარმომადგენლები, მონაწილებას მიიღებენ OSCE/ODIHR–ის სადამკვირვებლო მისიაში და განახორციელებენ 2013 წლის 23 ივნისს ალბანეთის რესპუბლიკაში დანიშნული საპარლამენტი არჩევნების მონიტორინგს, მოკლევადიანი დამკვირვებლის სტატუსით.
2013 წლის, 12 ივნისს, განვითარებისა და დემოკრატიის ცენტრის თავმჯდომარე – ქეთევან ჩაჩავამ მონაწილეობა მიიღო ეროვნული კონფერენციაში „სახელმწიფო ახალგაზრდული პოლიტიკის განვითარება საქართველოში“, რომლის მიზანია საქართველოში ახალგაზრდული პოლიტიკის განვითარების ხელშეწყობა და ამ მიზნით ფართო საზოგადოების ინფორმირება ამ სფეროში მიმდინარე მოვლენების შესახებ.
7 ივნისს, ევროპის საბჭოს პროგრამა „ 2012 წლის (საპარლამენტო), 2013 წლის (საპრეზიდენტო) და 2014 წლის (ადგილობრივი) არჩევნებისთვის“ ფარგლებში გაიმართა მრგვალი მაგიდა თემაზე „პარტიების და საარჩევნო კამპანიის დაფინანსების კანონმდებლობის რეფორმა საქართველოში“.
